Info for føresette

Sykkylven vgs har eit særs godt læringsmiljø mykje takka vere gode relasjonar mellom lærarar, føresette og elevar. Vi er opptatt av at føresette fremmar positive haldningar til skulen, og at det er lav terskel for å ta kontakt.

Det viktigaste du gjer som føresett

Vis interesse for ungdommen sin skulegang!
Følg med på fråvær, vurderingar og merknader i Visma InSchool (sjå nedanfor). Husk at fråvær skal meldast på førehand!
Orienter deg om dei rettigheitene og reglane som gjeld for elevane.
Kontakt skulen om det er noko du lurer på eller vil informere om

Informasjonskanalar

Heimesida

Noko informasjon til føresette er samla på «Info for føresette» (du er her), men les gjennom informasjonen som er retta mot elevane. Under Rettigheiter og reglar vil vi spesielt be deg legge merke til det som står om skulereglar og fråværsreglement.

Tilgang til og bruk av Visma inSchool

Det å ha tilgang til Visma inSchool gir deg som føresett høve til å vere oppdatert når det gjeld både vurdering og fråvær.

Føresett-tilgang via nettlesar på PC eller mobil (ikkje mobil-app) Du treng BankID.

Foreldretilgang etter fylte 18 år. Eleven gir samtykke ved å fylle ut dette skjemaet.

Eleven må deretter gje tilgang til kontaktpersonen sin i Visma InSchool frå "Min profil" og “Kontaktpersontilgang”. Eleven kan endre og blokkere tilgangar som han eller ho vil.

Introduksjonsvideo til VIS for føresette

Du kan lese meir om Visma InSchool (VIS) på mrfylke.no