Du kan melde frå på vegne av deg sjølv eller andre.
Om det oppstår situasjonar der vi må avdekke og løyse mobbesaker, vert innsatsteam mot mobbing kobla på.
Innsatsteamet ved vår skule består av:
- Barbro Midtgård (Rektor)
- Marita Mandal (Sosialpedagogisk rådgivar)
- Emte Aure (Miljøterapeut)
- Tor Ove Myrseth (PPT)
- Gunnhild Ravnestad (PPT)
Vi knytter til oss kontaktlærar, faglærar og andre ved behov.
Informasjon til føresette om undersøking av læringsmiljøet med bruk av kartleggingsverktøyet Spekter
Innsatsteam mot mobbing gjennomfører kartlegging av læringsmiljøet ved bruk av kartleggingsverktøyet Spekter som reiskap.
Bakgrunnen for ei slik kartlegging er at det har oppstått ein situasjon som vi ønskjer å undersøke nærmare.
Spekter-undersøkinga er frivillig å delta på. Vi oppfordrar likevel alle til å delta slik at resultatet blir så utfyllande som mogleg og på den måten blir eit godt verktøy for å skape godt og trygt læringsmiljø. Elevane kan også velje å ikkje svare på alle spørsmåla. Elevane skal berre svare på det dei veit, ikkje på det dei ikkje veit.
I slike kartleggingar kan det kome fram opplysningar som må handterast vidare. Det er laga eigne rutinar slik at alle partar blir ivaretekne. Når undersøkinga er gjennomført vil det vere skolen sitt Innsatsteam mot mobbing som handterer dei opplysningane som kjem fram av kartlegginga, og involverer aktuelle partar som for eksempel kontaktlærar, PPT, rådgivarar og liknande. Alle som er involverte i arbeidet med opplysningane, har teieplikt. Involverte partar kan krevje innsyn i den oppsummerande rapporten.
Målet er at læringsmiljøet skal bli godt og trygt for alle elevane resten av skoletida.
Dersom det skal settast inn tiltak for trygt og godt læringsmiljø, skal skolen lage ei aktivitetsplan jf (§12-4).
De kan lese meir om Spekter-undersøkinga og arbeid med godt og trygt læringsmiljø her