Elektro og datateknologi

Du lærer

installasjon og vedlikehald av elektriske og elektroniske system
montering, kopling og programmering av elektriske og elektroniske system og anlegg
reparasjon av elektrisk utstyr
om utvikling av nye elektroniske produkt
konfigurering og programmering av utstyr og komponentar
tryggleik og dokumentasjon

Du bør

vere nøyaktig og systematisk
ha anlegg for praktisk arbeid og ha godt handlag
vere serviceinnstilt og ha ein logisk tenkjemåte
vere kreativ og ha godt fargesyn

Du kan bli

elektrikar, elektroreparatør eller energioperatør
tavle-, signal eller heismontør
avionikar eller flymekanikar
romteknolog, data- eller produksjonselektronikar
automatikar eller FU-operatør

Gå hit for å sjå alle yrke og kompetansar

Arbeidsstader

offentlege eller private bedrifter
prosess- eller elektronikkindustrien
mekanisk industri, energiverk eller jernbanedrift
data-, fly- eller oljebransjen

Videre utdanning

Yrkesfagleg opplæring fører fram til yrkeskompetanse (med eller utan fag- eller sveinebrev). Etter fullført yrkesfagleg opplæring kan du gå ut i arbeid eller ta vidare utdanning:

Du kan ta vidare utdanning på fagskole. Ei fagskoleutdanning er ei kort og yrkesretta vidareutdanning som er meint for dei som har gått yrkesfag.

Du kan ta Vg3 påbygging til generell studiekompetanse– etter Vg2 eller– etter oppnådd yrkeskompetanse. Då har du høve til å ta høgare utdanning ved høgskole eller universitet. Hugs at nokre studium, til dømes ingeniørstudium, realfagsstudium og medisinske studium, føreset at du har visse realfag.

Du kan også søkje opptak til høgare utdanning etter forkurs eller gjennom Y-vegen, yrkesfagleg veg til høgare utdanning. Y-vegen er meint for deg som har relevant yrkeskompetanse. Forkurs og Y-vegen er vanlegast innanfor realfags- og ingeniørstudium.

Les meir om Y-vegen hos Samordna opptak.

Kvifor velje elektro og datateknologi i Sykkylven?

Skulen vår er eksepsjonelt godt utstyrt! Vi har mellom anna PLS med programmerbare skjermar til kvar elev, hypermoderne pneumatikklab og fleire velutstyrte elektrofagslabbar innan prosessanlegg og regulering. Vi har ein stor robotlab med ulike typar industrirobotar, som du finn igjen i mange bedrifter.
Du får digital kompetanse innan teikning, programmering og 3D-printing. Vi brukar mellom anna RoboDK si programvare for å programmere industrirobotar og simulere aktuelle prosessar i industrien.
Du får vere ute i praksis i bedrift 4 heile veker i løpet av vg2, slik at det blir lettare for deg å få lærekontrakt. Vi har godt samarbeid med mange bedrifter i nærområdet og til fleire opplæringskontor.
Vi sender elevar på utveksling til utlandet i Automatisering. Det siste samarbeidsprosjektet var med ein skule i Spania
Etter Vg1 Elektro og datateknologi kan du ved Sykkylven vgs vg2 Automatisering og vidare til vg3 Automatiseringsfaget.
Dette er framtidsretta teknologifag som mange bedrifter treng enno meir av framover.
Etter Vg2 eller fagbrev kan du ta påbygging til generell studiekompetanse på skulen, om du ynskjer å studere vidare.

Læreplassgaranti

Læreplassgaranti - Etter gitte kriterier har du garantert læreplass i medlemsbedriftene til Sykkylven Industri og næringslag etter Vg3 Automatiseringsfaget.

I løpet av åra som elev, vil du få praksis i dei aktuelle bedriftene. Om du gjer ein god jobb, har du eit godt utgangspunkt for å få læreplass i den bedrifta du ynskjer. Har du minimum 3 i alle fag (ikkje snittkarakter) og under 5% fråvær siste året, er du sikra læreplass. Dermed får du fullført fagutdanninga di.

Kontakt

Trude H. Vadset Huse

Fagleder

E-post

Telefon 71 28 22 21