Meld deg opp til privatisteksamen

Kva er ein privatist? 

Ein privatist er ein person som tar eksamen i eit fag utan å vere elev i faget. Det betyr at du sjølv må sette deg inn i fagstoffet og melde deg opp til eksamen. Som privatist får du ikkje standpunktkarakter i faget, kun eksamenskarakter. Privatisteksamen er meint for deg som

• Manglar fag frå vidaregåande opplæring for å få vitnemål
• Ønsker å forbetre karakterar
• Skal ta fagbrev som praksiskandidat

Oppmelding og frist

Frist for oppmelding

• For våreksamen: frå og med 15. januar til og med 1. februar
• For hausteksamen: frå og med 1. september til og med 15. september

Slik melder du deg opp

• Ha bank-/kredittkort klar og logg inn på Privatistportalen 
  • lærlingar med gyldig lærekontrakt logger inn med lærebedrifta sitt org.nr.
• Finn riktig fagkode ved å søke i portalen eller på udir.no. Er du i tvil, kontakt skolen du har gått på før.
  • Her finn du meir informasjon om fag- og fagkodar
• Legg inn eksamensskole. Dersom du ikkje finn ønska skole i oversikta, tilbyr ikkje skolen dette faget, og du må velge ein annan skole. 
• Bekreft oppmelding og gå til betaling.

Kva kostar det?

Eksamensavgift for 2026

• 1 403 kroner per eksamen for
  • fag du ikkje har standpunkt eller eksamenskarakter i
  • fag du ikkje har bestått (karakter 1) som elev eller privatist
• 2 808 kroner per eksamen for
  • fag du alt har bestått som elev eller privatist, men ønsker å forbetre
• Lærling med gyldig lærekontrakt, skal ikkje betale for avsluttande eksamen

Norsk med kort botid for privatistar

Privatistar kan ta eksamen i norsk med kort botid dersom dei oppfyller bestemte krav. Tilbodet er for personar som har bodd kort tid i Noreg og som framleis lære norsk. For å ta denne eksamen må du 

• har eit anna morsmål enn norsk, samisk, svensk eller dansk
• kunne dokumentere kort botid i Noreg (vanlegvis mindre enn 7 år når du tek eksamen for første gong)
• ikkje har fått standpunktkarakter i ordinær norskplan

Oppmelding og dokumentasjon

Privatistar må melde seg opp i Privatistportalen. Alle som møter til eksamen må ha gyldig dokumentasjon på botid. Gyldig dokumentasjon kan vere:

• Registreringsbevis fra politiet (for EØS-borgere)
• Bostedsattest fra Skatteetaten
• Vedtak fra UDI, for eksempel oppholdstillatelse etc.

Fråvær og avmelding 

Sjukdom og fråver på eksamen

Dersom du er sjuk eller av andre årsaka ikkje kan møte på eksamensdagen, kontakt skolen så snart som mogleg. Med andre årsaker meiner vi uforutsette hendingar du ikkje rår over.

Dersom du kan dokumentere årsaka til fråveret, for eksempel med legeerklæring, har du rett til å gå opp til ny eksamen ved neste eksamensperiode. Du betaler ikkje ny eksamensavgift.

Fristen for å sende inn dokumentasjon er ei veke etter at du skulle tatt eksamen. Oppmelding skjer automatisk, dersom du har levert dokumentasjon.  

Ønsker du å utsette eksamen?

Dersom du ønsker å vente med å ta eksamen av andre grunnar, må du sjølv melde deg opp og betale eksamensavgift på nytt.

Avmelding

Dersom du melder deg av innan oppmeldingsfristen, får du tilbakebetalt eksamensavgifta. Melder du deg av etter oppmeldingsfristen, får du ikkje tilbakebetalt eksamensavgifta.

Du kan ikkje melde deg av eksamen i Privatistportalen sjølv. Send ein e-post til eksamensskolen.

Eleveksamen same dato?

Dersom du har melde deg opp til privatisteksamen og den kolliderer med den obligatoriske eleveksamenen din på same dato, vil eleveksamen få prioritet. Du vil då bli meldt av frå privatisteksamenen, og du har ikkje rett til å få refundert eksamensavgifta.